నేటి విశ్వాస నాయకుడు
ఇవాన్ జాన్ రాబర్ట్స్
పరలోక పిలుపు : 29 జనవరి 1951
బోధకుడు, సువార్తికుడు, పునరుద్ధరణకర్త, రచయిత.
ఇవాన్ జాన్ రాబర్ట్స్ (1878-1951), “వెల్ష్ 1904-1905 ఉజ్జీవ ఉద్యమం”లో ప్రధాన వ్యక్తి, ఈయన నాయకత్వంలో వేల్స్ లో విస్తృత సువార్త ప్రకటించటం ద్వారా, నెలకొల్పిన ఆత్మీయ మేల్కొలుపు ముఖ్యంగా ప్రపంచాన్ని ప్రభావితం చేసింది. ఈయన పునరుజ్జీవ నాలుగు సూత్రాలు ఏమిటంటే, తెలిసిన పాపాలన్నిటినీ ఒప్పుకోవడం, జీవితంలో సందేహాస్పదమైన దేనినైనా తొలగించడం, పరిశుద్ధాత్మకు పూర్తిగా విధేయత చూపడం, క్రీస్తును బహిరంగంగా ఒప్పుకోవడం. ఈ నాలుగు సూత్రాలతో, వేల్స్ యొక్క నైతిక, ఆధ్యాత్మిక వాతావరణాన్ని మొత్తంగా మార్చివేసాడు. ఈయన సువార్త సమయంలో లక్షలాది మంది, వేలాది మంది యవ్వనస్తులు మార్చబడ్డారు, పబ్బులు ఖాళీగా మారాయి, ఈ మార్పును చూసి అందరూ అయోమయానికి గురయ్యారు. వారి అసభ్య బాష, నడవడిక అన్ని మార్చబడ్డాయి. ఈయన అధికారిక వేదాంత, మతసంబంధమైన శిక్షణ కూడా పొందలేదు. అయినప్పటికీ, ఈయన లోతైన ఆత్మీయ జీవితం, దేవునితో వ్యక్తిగత అనుభవం ఈయన పరిచర్యకు పునాదిగా మారింది. ఇది అనేక ఇతర దేశాలలో పునరుద్ధరణ ఉద్యమములను ప్రేరేపించింది.
ఇవాన్ రాబర్ట్స్, వేల్స్ లోని లౌఘర్ లో హెన్రీ, హన్నా రాబర్ట్స్ లకు జన్మించారు, భక్తుడైన కాల్వినిస్టిక్ మెథడిస్ట్ ఇంటిలో పెరిగారు. ఈయన 11 నుండి 23 సంవత్సరాల వయస్సు వరకు తన తండ్రితో కలిసి బొగ్గు గనులలో పనిచేశాడు, అక్కడ జరిగిన పేలుడు ఈయన ప్రతిష్టాత్మకమైన బైబిల్ ను కాల్చివేసింది. తర్వాత మేనమామ దగ్గర కమ్మరిగా శిష్యరికం చేస్తూ, లోతైన ఆత్మీయత కలిగి, వ్యక్తిగత, సంఘ ప్రార్థనలకు లెక్కలేనన్ని గంటలు అంకితం చేశాడు.
1904లో, ఇవాన్ రాబర్ట్స్ న్యూకాజిల్ ఎమ్లిన్ లో పరిచర్య కోసం చదువుకోవడం ప్రారంభించాడు. బ్లెనానెర్చ్ లో సువార్తికుడు సేథ్ జాషువా చేసిన సేవలో ఆధ్యాత్మిక అనుభవంతో ప్రేరణ పొంది, బాప్తిస్మము తీసుకొన్నాడు. చిన్న సమావేశాలలో బోధించడం ప్రారంభించి, వేలాది మందిని ఆకర్షించగలిగాడు. ఇది వెల్ష్ పునరుజ్జీవ ఉద్యమానికి దారితీసింది. కొంచెము సమయములోనే రాబర్ట్స్, ఈయన సోదరుడు డాన్, స్నేహితుడు సిడ్నీ ఎవాన్స్ వేల్స్ అంతటా ప్రయాణించి, ఒప్పుకోలు, పశ్చాత్తాపం, జీవిత పరివర్తనతో కూడిన పొడిగింపు సమావేశాలను నిర్వహించడంతో, కలిగిన పునరుజ్జీవనం జాతీయ వార్తగా మారింది, పబ్బులన్నీ ఖాళీ, మైనర్లకు కలిగిన మార్పు, వారి బాష, నడవడిక, అన్నిమారినాయి. వారి సాధారణ అసభ్య భాషకు పూర్తి విరుద్ధంగా ఉంటుంది. ఈయనతో పాటు గాయకులు అన్నీ M. రీస్, మే జాన్, తర్వాత వారి స్వంత పునరుద్ధరణ సేవలకు నాయకత్వం వహించారు. జూన్ 1905లో, ఈయన మే జాన్ సహాయంతో రోస్నీగర్ లో 6,000 మందికి బోధించాడు. ఈ పునరుజ్జీవనం, రాబర్ట్స్ చే వెలిగించబడినట్లు, ‘ది వెస్ట్రన్ మెయిల్’లో వివరించబడిన 100,000 మార్పిడుల నివేదికలతో సహా విశేషమైన ఆధ్యాత్మిక ఉత్సాహాన్ని రేకెత్తించింది.
1906లో, ఈయన గురించిన డిమాండ్, ఈయన కార్యక్రమములషెడ్యూల్ ఒత్తిడి విపరీతమవ్వటటం వలన ఇవాన్ రాబర్ట్స్ భౌతిక, మానసిక పతనానికి దారితీసింది. డిప్రెషన్లో ఉన్నప్పటికీ, ఈయన తన విశ్వాసాన్ని నిలబెట్టుకున్నాడు. తన ఊహించని కీర్తి తప్పుడు కారణాల వల్ల ప్రజలను ఆకర్షిస్తోందనే ఆందోళనతో, ప్రజల దృష్టి నుండి వైదొలిగాడు, ఈయన కాకుండా దేవుడే మహిమపరచాబడాలని కోరుకున్నాడు. ఈయన తన దృఢమైన విశ్వాసాన్ని ప్రతిబింబిస్తూ ఉత్తరాలు రాయడం కొనసాగిస్తూ, ప్రార్థనను తన ప్రాథమిక పరిచర్యగా మార్చుకున్నాడు. ఈయన పెన్-లూయిస్తో కలిసి తన రచనల ద్వారా 20వ శతాబ్దపు మిషనరీ ఉద్యమాన్ని ప్రభావితం చేయడం కొనసాగించాడు. వేల్స్ను విడిచిపెట్టాడని కొందరు భావించినప్పటికీ, పెన్-లూయిస్ పునరుజ్జీవనంతో పాటు వచ్చిన సంకేతాలు, అద్భుతాలపై తన అభిప్రాయాలను పునఃపరిశీలించమని కోరారు. 1926లో, పునరుజ్జీవనం ప్రారంభమైన లౌఘోర్కు అతను ఆహ్వానించబడ్డాడు. ఈయన అరుదైన బహిరంగ ప్రదర్శనలలో మార్పిడులు, స్వస్థతలు, విమోచనలు ఉన్నాయి.
రాబర్ట్స్ తన చివరి సంవత్సరాలను కార్డిఫ్ లో గడిపాడు, చాలా వరకు అజ్ఞాతంలో ఉండి, 1951లో 72 సంవత్సరాల వయస్సులో మరణించాడు, లాఘోర్ లోని మోరియా చాపెల్ వెనుక ఉన్న కుటుంబ ప్లాట్ లో అతన్ని ఖననం చేశారు, ఇక్కడ వెల్ష్ పునరుద్ధరణకు ఆయన చేసిన ముఖ్యమైన కృషికి గౌరవసూచకంగా స్మారక స్తంభం ఉంది.